O domingo 13 de abril abrimos portas de novo cunha proposta comisariada por Natasha Lelenco que incluirá obra dos artistas Borja Ínsua, Inés Silvalde, Llou Insidas e Óscar Aldonza e que só poderá verse durante 8 días. A aldea de Mallas abre de novo as portas á arte.

Do 13 ao 20 de abril de 2025. de 11:00h a 14:00h e de 17:00h a 21:00h. Entrada libre.

Unha mostra comisariada por Natasha Lelenco coa participación de Francisco Remiseiro, Monika Molenda, Lilí Berlín e Catuxa Salom, expandíndose desde a Casa das Peritas cara aos espazos exteriores da aldea de Mallas con intervencións musicais e performativas gracias aos apoios do Cocnello de Fisterra e Vermús Petroni.

Do 9 ao 17 de abril de 2022. Mallas. Fisterra

A aldea de Mallas, en colaboración de Mr. Misto e a Casa das Peritas, acolleu unha xornada intensa arredor da arte, da música e do humor, coas actuacións de Aldaolado, Carlos Santiago e Gago, a obra de Natasha Lelenco e un completo programa no que a gastronomía e a enoloxía tamén foron protagonistas.

9 de outubro de 2023.

Antes de ser escultura, a barca de pedra xa estaba presente nas lendas de barcos pétreos que flotan, relatos populares en Irlanda, as Illas Británicas, a Bretaña e Galicia. Entre elaschegada do Apóstolo Santiago a Padrón, San Andrés de Teixido ou a Virxe da Barca de Muxía. Esta barca foi botada no lavadoiro de Mallas, en Fisterra. E flotou.

16 de abril de 2022.

A artista galego arxentina Catuxa Salom achegou a forza mestiza da súa música nunha acción en solitario acompañada polos fíos de auga da fonte do lavadoiro de Mallas. Unha acción poético musical coa reivindicación do rural no centro. Coa colaboración do Concello de Fisterra e de Vermús Petroni.

16 de abril de 2022

Suso Alonso e Blanca Cendan son referente do cabaret galaico. A horta da Casa das Peritas acolleu a delirante performance humorística e musical destes dous monstros da escena galega. Un percorrido musical e humorístico que coloca ao público no lugar central da escena nunha viaxe ao corazón da música liviá.

13 de abril de 2022.

Un baleirado completo da Casa das Peritas como proceso previo para unha instalación a trío. A arte textil de María Magán, a escultura de Jose Perozo e a pintura de Natasha Lelenco establecendo un diálogo arredor do traballo de artista e o valor das súas obras. Un inusual complemento para as xornadas de praia do verán.

Do 13 de xullo ao 31 de agosto de 2019

A artista Luisa Álvarez (Madrid-Ourense, 1974) empregou luces de neón para sinalizar nichos baleiros no cemiterio de César Portela, en Fisterra. Unha chamada de atención sobre o abandono e a degradación utilizando o neón, tradicionalmente asociado á publicidade, para destacar a ausencia e o esquecemento dun espazo singular coma este.

11 de agosto de 2018. 21:30h.